ក្រុមហង្សក្រហម Liverpool បានបញ្ជាក់ថាខ្សែប្រយុទ្ធកំពុងឡើងជើង Diogo Jota នឹងអវត្តមានដល់ទៅ២ខែឯណោះ ដោយសាររបួសជង្គង់។
កីឡាករឆ្នើមសញ្ជាតិព័រទុយហ្គាល់ខាងលើនេះលេងបាន៨៧នាទីឱ្យក្រុម Liverpool ទល់ក្រុម Midtylland ក្នុងពានរង្វាន់ UEFA Champions League បើទោះជាពួកគេបានឡើងទៅវគ្គបន្ដហើយក៏ដោយ។ ដោយឡែករបួសជង្គង់នេះនឹងធ្វើឱ្យលោក Klopp ពិបាកទៀតជាក់ជាមិនខាន ព្រោះពួកគេបានរបួសកីឡាករច្រើនណាស់នៅរដូវកាលនេះ។
កីឡាករវ័យ២៤ឆ្នាំខាងលើនេះ ផ្លាស់ពីក្រុម Wolves មកក្នុងតម្លៃខ្លួន៤១លានផោន និងស្វែងរកគ្រាប់បាល់ក្នុងប្រកួតសំខាន់ៗជាច្រើន។ ជាក់ស្ដែង១៧ប្រកួតមកនេះ រកបាន៩គ្រាប់មកហើយ៕ប្រភព Dailymail