ក្រុមតោខៀវ Chelsea បានបរាជ័យក្រោមថ្វីជើងក្រុម Everton ក្នុងលទ្ធផល ១-០ សម្រាប់ការប្រកួតពានរង្វាន់ English Premier League នៅយប់មិញនេះ។
ក្រុម Everton លេងនៅក្នុងដីខ្លួនឯងនៅយប់មិញនេះពិតជាពោរពេញដោយទំនុកចិត្តមែនទែន។ ជាក់ស្ដែង បើទោះជាក្រុម Chelsea ព្យាយាមសម្រុកយ៉ាងណាក៏ដោយ ក៏មិនអាចធ្វើឱ្យពួកគេបាត់បង់ម្ចាស់ការនោះដែរ។ លើសពីនេះទៅទៀត ក្រុមរបស់លោក Carlo Ancelotti ថែមទាំងរកគ្រាប់បាល់បាន១គ្រាប់ថែមទៀតនៅនាទី២២ ដោយ Sigurosson ទាត់ប៉េណាល់ទី។
ជាមួយបរាជ័យនេះដែរ បានធ្វើឱ្យក្រុមលោក Lampard បាត់ឱកាសឡើងកំពូលតារាងទៅហើយ និងចាញ់ប្រៀបក្រុម Spurs និង Liverpool ថែមទៀត។ បើសិនជាក្រុមទាំងពីរនេះ ឈ្នះទាំងពីរ នោះគម្លាតពិន្ទុនឹងមានកាន់តែច្រើនហើយ៕ប្រភព Dailymail