ក្រុម Real Madrid នឹងត្រូវតតាំងជាមួយក្រុម Atletico Madrid នៅម៉ោង៣រំលងអាធ្រាត្រនេះ សម្រាប់ការប្រកួតពានរង្វាន់ La Liga ។
ក្រុម Real Madrid នៅចាញ់ពិន្ទុក្រុម AT Madrid ច្រើន ខណៈដែលការប្រកួតនេះទៀតសោតគឺទាមទារឱ្យពួកគេឈ្នះជាចាំបាច់ទើបអាចប្រជែងទៀតបាន។ ដោយឡែកបើមើលទៅលើក្រុម AT Madrid របស់លោក Simeone វិញ គឺពិតជាធ្វើបានល្អណាស់នៅប៉ុន្មានប្រកួតចុងក្រោយនេះ។
លោក Zidane អ្នកចាត់ការក្រុម Real Madrid បាននិយាយមុនការប្រកួតនៅរាត្រីនេះថា៖ “ពួកគេជាក្រុមល្អ ពួកគេតែងតែបង្ហាញវានៅលើទីលាន។ ការខិតខំរបស់ពួកគេទើបធ្វើឱ្យបានលទ្ធផលលេខមួយនៅពេលនេះ។ វានឹងក្លាយជាប្រកួតល្អមួយ ហើយយើងក៏សង្ឃឹមថានឹងទទួលបានលទ្ធផលល្អផងដែរ”៕
ប្រភព៖ Marca