អតីតខ្សែប្រយុទ្ធ Louis Saha បានបង្ហាញការយល់ឃើញថា ក្លឹបកាំភ្លើងធំ Arsenal គួរតែពិចារណានាំយក Olivier Giroud របស់ Chelsea មកចូលរួមវិញ នៅទីផ្សារដោះដូរខែមករា ឆ្នាំ ២០២១ ខាងមុខ។
បញ្ជាក់ថា លោក Wenger គឺជាអ្នកបណ្តុះបណ្តាលនាំយក Giroud មក PL នៅឆ្នាំ ២០១២ ហើយកីឡាករបារាំងបានវិវត្តខ្លួនក្លាយជាខ្សែប្រយុទ្ធកំពូលមួយ ដោយរកបានច្រើនជាង ១០០ គ្រាប់ឲ្យ Arsenal និងជួយក្រុមឈ្នះពាន FA Cup។ ដោយឡែកការផ្ទេរមក Chelsea គេក៏នៅតែខ្លាំង ហើយថ្មីៗនេះនៅ UCL រកបាន ៤ គ្រាប់/ប្រកួតទៀតផង។
ប្រាប់ Genting Bet លោក Saha និយាយថា៖ “Olivier Giroud អាចជាជម្រើសដ៏ល្អមួយសម្រាប់ Arsenal ប្រសិនពួកគេចុះហត្ថលេខាយកគេមកវិញ ព្រោះគេជាខ្សែប្រយុទ្ធកំពូល”។
លោកបន្តទៀតថា៖ “គេមិនត្រឹមតែអាចផ្តល់ឲ្យក្រុមរបស់អ្នកនៅបែបបទលេងដែលចង់បាននោះទេ លើសពីនេះគេតែងតែក្រោកឈរដើម្បីដោះស្រាយបញ្ហា ពោលគឺក្រុមនៅអង់គ្លេសទាំងអស់ពិតជាពេញចិត្តដែលមាន Giroud ស្ថិតនៅប្រព័ន្ធលេងលំដាប់កំពូលរបស់ពួកគេ”៕
ប្រភព៖ Metro