ក្រុមការពារតំណែងជើងឯក Manchester City ធ្វើបានយ៉ាងល្អនៅប្រកួតបើករដូវកាលរបស់ខ្លួន ដោយយកឈ្នះលើក្រុម Arsenal ក្នុងលទ្ធផល ២-០។
ក្នុងការប្រកួតនោះដែរ Mendy ខ្សែការពារឆ្វេង ក៏បានជាប់ចូលលេងផងដែរ ដែលនេះជាប្រកួតទី ៥របស់ខ្លួនឱ្យ Man City តាំងពីផ្លាស់មករដូវកាលមុន ប៉ុន្តែរបួសជាប់រហូត។ លោក Guardiola សរសើរសមត្ថភាពលេងរបស់ខ្សែការពាររូបនេះ ក្រោយពីជាពីរបួសមកវិញ។ តែជាមួយនឹងការសរសើរនេះដែរ អ្នកចាត់ការល្បីឈ្មោះរូបនេះ រំពឹងថា Mendy នឹងកាត់បន្ថយការលេង Social Media ខ្លះ ដើម្បីប្រឹងប្រែងហ្វឹកហាត់បន្ថែមទៀត
អតីតអ្នកចាត់ការ Bayern Munich បាននិយាយថា៖ “Mendy គឺ Mendy ។ ជួនកាលយើងចង់តែសម្លាប់គាត់ទេ ហើយពេលខ្លះទៀតគាត់គឺពិតជាកីឡាករល្អខ្លាំងណាស់។ Mendy ត្រូវពង្រឹងសមត្ថភាពច្រើនទៀត ហើយខ្ញុំសង្ឃឹមថាគាត់នឹងផ្អាកលេង social media ខ្លះ ដើម្បីប្រឹងប្រែងហ្វឹកហាត់ឱ្យខ្លាំងថែមទៀត”៕ប្រភព៖ DailyMail
