កីឡាករ Bruno Fernandes បានឈ្នះពានរង្វាន់នាមជាកីឡាករល្អបំផុតប្រចាំខែនៅ Premier League សារជាថ្មី ក្រោយពីបង្ហាញទម្រង់លេងយ៉ាងល្អពេញមួយខែសម្រាប់ក្លឹបបិសាចក្រហម Man Utd។
Bruno គេរកបាន ៤ គ្រាប់និង Assist ១ នៅ ៤ ប្រកួតសម្រាប់ខែវិច្ឆិកា ហើយបូកបន្ថែមពាននេះមួយទៀតគឺចំនួន ៣ ហើយសម្រាប់គេ [Premier League Player of the Month]។ នៅខ្វះតែមួយទៀតប៉ុណ្ណោះ កីឡាករព័រទុយហ្គាល់អាចតាមស្មើឈ្មោះរបស់ Ronaldo ដែលធ្លាប់ឈ្នះបួនដងកាលនៅ United។
ដូចគ្នាទៅនឹងលោក Jose Mourinho ដែលកំពុងដឹកនាំឲ្យ Spurs ឈរកំពូលតារាង Premier League ក៏បានឈ្នះនាមជាអ្នកចាត់ការល្អបំផុតប្រចាំខែផងដែរ។ ក្រោយពីឈ្នះពាននេះ លោក Mourinho បាននិយាយពាក្យគួរឲ្យគោរពថា៖ “គេហៅពាននេះថាអ្នកចាត់ការល្អបំផុតប្រចាំខែ តែសម្រាប់ខ្ញុំយល់ឃើញថាជាក្រុមល្អបំផុតប្រចាំខែទៅវិញទេ ព្រោះគ្រប់យ៉ាងគឺបានមកពីការផ្តល់ឲ្យរបស់កីឡាករ”៕
ប្រភព៖ Sportskeeda