លោក Pep Guardiola បានអះអាងថាក្រុម Manchester City របស់ខ្លួននៅមានចំណុចខ្វះខាតច្រើនណាស់ដែលត្រូវកែលម្អទៀត បើទោះជាឈ្នះប៉ុន្មានប្រកួតចុងក្រោយនេះក៏ដោយ។
ក្រុម Man City នឹងត្រូវប៉ះជាមួយក្រុម Manchester United នៅថ្ងៃសៅរ៍ស្អែកនេះ សម្រាប់ការប្រកួតពានរង្វាន់ English Premier League ។
មុនការប្រកួតនេះចាប់ផ្ដើម លោក Pep បានព្រមានកូនក្រុមថានឹងជួបផលវិបាកមិនខាន ប៉ះ Man Utd បើបន្ដមាន Error នៅតំបន់ការពារទៀត។ អ្នកចាត់ការល្បីឈ្មោះរូបនេះថា កំហុសតំបន់ការពារពេលលេងទល់ក្រុម Leicester និង Spurs គឺមិនគួរកើតឡើយ ព្រោះវានឹងធ្វើឱ្យក្រុមបាត់បង់ពិន្ទុមិនខាន។ យ៉ាងណាមិញ លោកក៏សប្បាយចិត្តនៅពេលមានកីឡាករជាសះស្បើយវិញមួយចំនួនដែរ។
ក្រុមមេឃខៀវ Man City បច្ចុប្បន្ននេះស្ថិតនៅលេខ៧ក្នុងតារាង Premier League ប៉ុន្តែនៅសល់១ប្រកួតក្នុងដៃទៀតដែរ។ ប្រសិនបើពួកគេឈ្នះ១ប្រកួតក្នុងដៃទៀត ក៏ស្ថិតក្នុងចំណោមក្រុមប្រជែងកំពូលតារាងដូចគ្នា៕
ប្រភព៖ DailyMail