លោក Jurgen Klopp បានអះអាងថាលោកដំបូងឡើយពេញចិត្តជាមួយការប្រើប្រាស់ VAR ខ្លាំងណាស់ ប៉ុន្តែមួយរយៈចុងក្រោយនេះលោកមើលមិនឃើញចំណុចល្អរបស់វាឡើយ។
ក្រុម Liverpool លេងស្មើក្រុម Midtjylland ក្នុងលទ្ធផល ១-១ សម្រាប់ការប្រកួតចុងក្រោយវគ្គសន្សំពិន្ទុតាមពូលពានរង្វាន់ UEFA Champions League ។ ១គ្រាប់របស់ក្រុម Midtjylland ដែលរកបាននៅយប់មិញនេះ គឺជាការមើលឡើងវិញរបស់ VAR ខណៈដែលអាជ្ញាកណ្ដាលខ្សែបន្ទាត់លើកទង់ ក្រៅល្បែងទៅហើយ តែចុងក្រោយពិនិត្យ VAR ទៅ បែរជាផ្ដល់ប៉េណាល់ទីទៅវិញ។
ចំណុចនេះហើយ ទើបបានជាលោក Klopp និយាយក្រោយប្រកួតថា៖ “វាចំណាយពេលយូរណាស់ ក្នុងការសម្រេចចិត្តទៅលើអ្វីមួយ។ វាប្រើពេល៣ទៅ៤នាទីឯណោះ។ ខ្ញុំអាចឮសំឡេងមនុស្សនិយាយគ្នា។ ពួកគេជជែកគ្នាយូរណាស់។ វាមិនបានជួយអ្វីនោះទេ។ ខ្ញុំជាមនុស្សម្នាក់ធ្លាប់និយាយថា VAR នឹងល្អប្រសើរ ប៉ុន្តែពេលនេះមិនប្រាកដនោះទេ”៕ប្រភព Goal
