ខ្សែបម្រើប្រយុទ្ធ Xherdan Shaqiri គិតថាក្រុម Liverpool រដូវកាលនេះ មានសមត្ថភាពគ្រប់គ្រាន់ក្នុងការប្រជែងយកពានរង្វាន់នានាបាន។
Liverpool ប្រមូលកីឡាករល្អៗជាច្រើននៅរដូវកាលនេះ ហើយក៏បានជាប់ឈ្មោះជាក្លឹបចាយលុយច្រើនជាងគេបំផុតផងដែរ។ ការទិញចូលកីឡាករច្រើននាក់ និងថ្លៃៗនេះ ត្រូវបានគេមើលឃើញថាហង្សក្រហមរដូវកាលនេះ ពិតជាខ្លាំងមិនខាន ហើយក៏ជាបេក្ខភាពមួយដណ្ដើមយកពានរង្វាន់លីគកំពូលអង់គ្លេសផងដែរ ក្រោយពីខកខានជាច្រើនឆ្នាំមកនេះ។
ជាមួយការទិញចូលច្រើន និងលេងបើករដូវកាលល្អផងនោះ Shaqiri កីឡាករចំណូលថ្មីរបស់ក្រុម Liverpool បាននិយាយថា៖ “យើងមានក្រុមល្អមួយ កីឡាករទាំងអស់លេងផ្ដោតអារម្មណ៍បានល្អ។ យើងចង់បានលទ្ធផលល្អនៅ រដូវកាលនេះ។ គ្មានអ្វីដែលមិនអាចទៅរួចនោះទេ Liverpool តែងតែមានឱកាសជានិច្ច សម្រាប់ពានរង្វាន់ទាំងអស់”៕DailyMail
