ក្រុម Real Madrid នឹងត្រូវប្រកួតជាមួយក្រុម Borussia Monchengladbach នៅយប់នេះ សម្រាប់ការប្រកួតវគ្គសន្សំពិន្ទុចុងក្រោយពានរង្វាន់ UEFA Champions League ។
ប្រសិនបើ Real Madrid មិនអាចទទួលបានជ័យជម្នះនៅប្រកួតនេះទេ នោះពួកគេនឹងត្រូវធ្លាក់ចេញពីពាន Champions League មិនខាន ហើយអាចជាទៅលេងនៅ Europa League វិញ។ តែសម្រាប់ Casemiro ខ្សែបម្រើរបស់ក្រុម Real Madrid មានទំនុកចិត្តថាក្រុមរបស់ខ្លួននឹងទទួលបានលទ្ធផលល្អ ជាពិសេសយកឈ្នះលើក្រុមអាល្លឺម៉ង់ខាងលើមិនខាន។
កីឡាករប្រេស៊ីលរូបនេះ បាននិយាយថា៖ “យើងដឹងថានេះជាប្រកួតសំខាន់ណាស់សម្រាប់ក្រុម វាជាប្រកួតផ្ដាច់ព្រ័ត្រមួយ។ ក្រុម Real Madrid មិនដែលបរាជ័យឡើយសម្រាប់ការប្រកួតផ្ដាច់ព្រ័ត្រ។ នេះជាអ្វីដែលក្រុមយើងបានធ្វើកន្លងមកនេះ”៕
ប្រភព៖ Marca