ខ្សែប្រយុទ្ធ Cristiano Ronaldo រកគ្រាប់បាល់បាន២គ្រាប់ម្នាក់ឯងជួយក្រុម Juventus យកឈ្នះលើក្រុម Barcelona ក្នុងលទ្ធផល ៣-០ សម្រាប់ពានរង្វាន់ UEFA Champions League ។
កាលពីជើងទី១កន្លងទៅ Juventus បានបរាជ័យក្រោមថ្វីជើង Barcelona ក្នុងលទ្ធផល ២-០ ដោយគ្រានោះមិនមានវត្តមាន Ronaldo នោះទេ។ តែសម្រាប់ជើងទី២នេះវិញ ពួកគេហាក់ដូចជាមានទំនុកចិត្តខ្លាំងនៅពេល Ronaldo អាចជួយក្រុមបាន។ ជាក់ស្ដែងក្នុងការប្រកួតនៅយប់មិញ អតីតកីឡាករ Real Madrid រូបនេះពិតជាជួយក្រុមបានមែន ដោយរកគ្រាប់បាល់ដល់ទៅ២គ្រាប់ឯណោះ។
៣គ្រាប់របស់ក្រុមសេះបង្កង់ធ្វើបានដោយ Ronaldo ២គ្រាប់នាទី១៣ និង៥២ ដោយប៉េណាល់ទីទាំងពីរគ្រាប់ និង១គ្រាប់ទៀតធ្វើបានដោយ McKennie នៅនាទីទី២០។ ជ័យជម្នះនេះ បានធ្វើឱ្យ Juventus បញ្ចប់ការប្រកួតក្នុងពូល ឈរនៅលេខ១ ហើយ Barcelona នៅលេខ២វិញ៕
ប្រភព៖ DailyMail