ការប្រកួតវគ្គ ៣២ ក្រុមនៅ UEFA Champions League គឺនឹងបញ្ចប់នៅព្រឹកថ្ងៃព្រហស្បតិ៍ស្អែកនេះ ហើយជាលទ្ធផលគិតត្រឹមថ្ងៃនេះយើងរកឃើញក្រុមចំនួន ១២ ដែលមានកៅអីឆ្ពោះទៅកាន់វគ្គបន្ទាប់ និង ៤ ក្រុមហើយដែលធ្លាក់មកលេងនៅ Europa League។
ក្នុងនោះគឺចំណោមក្រុមលេខ ៣ ប្រចាំពូលនីមួយៗដែលស្ថិតនៅពូល E, F ,G និង H។ ដោយមានដូចជាក្លឹប Krasnodar ក្លឹប Club Brugge ក្លឹប Dynamo Kyiv និងក្លឹប Manchester United។
ក្រុមទាំង ៤ ស្ថិតក្នុងចំណោមក្រុមទាំង ៨ នៅ UCL ដែលត្រូវធ្លាក់មកលេងនៅ UEL ហើយនៅថ្ងៃស្អែកក្រោយរកឃើញ ៤ ក្រុមទៀត គេនឹងធ្វើការប្រៀបធៀបពិន្ទុ ដើម្បីចែកយក ៤ ក្រុមដែលស្ថិតក្នុងពូល Seeded និង ៤ ក្រុមទៀតស្ថិតក្នុងពូល Unseeded ហើយក្រុមនៅពូលដូចគ្នា មិនអាចប៉ះគ្នានោះទេនៅវគ្គ ៣២ ក្រុមចុងក្រោយ Europa League៕