Barcelona មិនអាចយកបានសូម្បីតែមួយគ្រាប់នៅការប្រកួតទល់ Juventus ហើយរងបរាជ័យនៅលទ្ធផល ៣-០។ មានការលើកឡើងជាច្រើនអំពីការស៊ុតរបស់ Lionel Messi និងការសង្រ្គោះបាល់របស់អ្នកចាំទីវ័យចំណាស់ Gianluigi Buffon។
តាមការបង្ហាញស្ថិតិពី Opta បានចុះផ្សាយថា Messi នៅយប់មិញស៊ុតចូលគោលដៅ ៧ លើក ក្នុងចំណោមការស៊ុតចេញពីជើង ១១ លើក តែ Buffon អាចសង្រ្គោះបានទាំងអស់មិនថាបាល់ហោះទៅជ្រុងណានោះទេ។
ការស៊ុតដ៏លើសលប់ ហើយមិនអាចរកបានគ្រាប់បាល់នេះ បានរុញឲ្យឈ្មោះ Messi គាស់កំណត់ត្រាចាស់ ដែលស្ថិតិបែបនេះមិនទាន់មានកីឡាករណាមួយនៅ UCL អាចធ្វើបាននៅឡើយ ចាប់តាំងពីរដូវកាល ២០០៣/០៤ (ប្រភពមិនបានបញ្ជាក់ឈ្មោះកីឡាករពីមុនដែលធ្លាប់បានធ្វើនោះទេ)៕ ប្រភព៖ Opta