ខ្សែប្រយុទ្ធ Balotelli បានរកឃើញក្លឹបថ្មីលេងហើយ គឺក្រុម AC Monza ដែលកំពុងលេងនៅលីគ Serie B ក្នុងប្រទេសអ៊ីតាលី។ខ្សែប្រយុទ្ធសញ្ជាតិអ៊ីតាលីខាងលើនេះ មិនមានក្លឹបលេងជាច្រើនខែមកហើយ ក្រោយពីរូបគេសម្រេចបញ្ចប់កុងត្រាជាមួយក្រុម Brescia ។
ក្រោយពីស្វះស្វែងរកក្លឹបថ្មីលេងជាច្រើនមក ពេលនេះអតីតកីឡាករល្បីឈ្មោះនិងធ្លាប់លេងឱ្យក្រុមធំៗជាច្រើននោះ រកឃើញក្លឹបល្អមួយសម្រាប់ខ្លួនហើយគឺ AC Monza ដែលកំពុងលេងនៅលីគ Serie B ក្នុងប្រទេសអ៊ីតាលី។
ខ្សែប្រយុទ្ធវ័យ៣០ឆ្នាំខាងលើនេះ នឹងមានកុងត្រារហូតដល់ចប់រដូវកាលនេះជាមួយក្រុម AC Monza ។ ដោយការទៅលេងនៅក្រុមលីគទី២នេះ Balotelli នឹងបានសហការគ្នាជាមួយ Kevin Prince-Boateng អតីតកីឡាករ Barcelona ម្នាក់ផងដែរ៕
ប្រភព៖ Goal