ក្រុម RB Leipzig ត្រូវការឈ្នះការប្រកួតទល់ក្រុម Manchester United ជាដាច់ខាត ដើម្បីទទួលបានឱកាសឡើងវគ្គ១៦ក្រុមចុងក្រោយពានរង្វាន់ UEFA Champions League ។
Leipzig មាន៩ពិន្ទុស្មើជាមួយ PSG និង Man Utd ដែរ ប៉ុន្តែពួកគេស្ថិតនៅក្រោមដោយសារតែចាញ់ Head to Head នៃក្រុមទាំងពីរ និងគ្រាប់ចំណេញ។ ដូច្នេះហើយប្រកួតចុងក្រោយនៅរាត្រីនេះ ប្រសិនបើពួកគេអាចឈ្នះបាន នោះនឹងមានឱកាសឡើងវគ្គបន្ដជាក់ជាមិនខាន។
លោក Julian Nagelsmann គ្រូបង្វឹកក្រុម Leipzig បាននិយាយមុនការប្រកួតថា៖ “Man Utd បានបង្ហាញទម្រង់លេងយ៉ាងល្អពេលប៉ះយើងកាលពីប្រកួតទី១។ យើងត្រូវការប្រយុទ្ធរហូតដល់នាទីចុងក្រោយសម្រាប់ការប្រកួតនេះដើម្បីយក៣ពិន្ទុពីពួកគេ។ ខ្ញុំមិនដឹងទេថាក្រុមណាគឺជាក្រុមងាយស្រួលជាង តើក្រុមចាញ់៥-០ ឬក្រុមឈ្នះ ៥-០”។
រំលឹកថាកាលពីជើងទី១កន្លងទៅ ក្រុម Man Utd នៅទឹកដីរបស់ពួកគេបានយកឈ្នះលើក្រុម Leipzig ក្នុងលទ្ធផល ៥-០ រួចទៅហើយ៕
ប្រភព៖ DailyMail