Pep ​ជឿ​ថា​ក្រុម​៣​នេះ មាន​ឱកាស​ប្រជែង​យក​ពាន Premier League ​ពី​លោក​បាន

Pep Guardiola ​អ្នក​ចាត់ការ​ក្រុម Manchester City ​ជឿ​ជាក់​ថា Liverpool, Chelsea ​និង ​Man United ​នៅ​រដូវ​កាល​នេះ គឺ​ពិត​ជា​មាន​សមត្ថភាព​ខ្ពស់​អាច​ប្រជែង​យក​ពាន Premier League ​ពី​ក្រុម Man City ​បាន។

Guardiola ​អ្នក​ចាត់ការ​ជោគជ័យ​ខ្លាំង​ទាំង​នៅ​អេស្ប៉ាញ ​អាល្លឺម៉ង់ ហើយ​បច្ចុប្បន្ន​កំពុង​ធ្វើ​បាន​ល្អ​នៅ​អង់គ្លេស​ទៀត​នោះ ​នឹង​ដឹក​នាំ​ក្រុម​ប៉ះ​ជាមួយ​ក្រុម Arsenal ​នៅ​រាត្រី​នេះ​ហើយ ​ដើម្បី​បើក​ឆាក​ការ​ប្រកួត English Premier League ។ ក្នុង​នាម​ជា​ក្រុម​ការពារ​តំណែង​ជើង​ឯក ​ Guardiola ​មើល​ឃើញ​ជា​ស្រេច​ថា​រដូវ​កាល​នេះ​អាច​នឹង​មិន​ងាយ​ស្រួល​ដូច​រដូវកាល​មុន​ឡើយ។ លោក​ដឹង​ច្បាស់​ថា​ក្រុម​ដទៃ​ទទួល​បាន​កីឡាករល្អ​ៗ​មក​រួម​ក្រុម​ច្រើន ​ហើយ​នេះ​ជា​កត្តា​ផ្ដល់​ការ​លំបាក​ដល់ Man City ​ការពារ​តំណែង​ជើង​ឯក។

អតីត​អ្នកចាត់ការ Barcelona ​រូប​នេះ បាន​បញ្ជាក់​ថា៖ “ទី​នេះ​គឺ​អង់គ្លេស ​មាន​ក្រុម​ល្អ​ៗ​ជា​ច្រើន។ ខ្ញុំ​មើល​ឃើញ​ថា  Liverpool, Chelsea ​និង ​Man United ​សុទ្ធ​តែ​ល្អ​រដូវ​កាល​នេះ ​ពួកគេ​នឹង​ផ្ដល់​ភាព​ពិបាក​ដល់​ក្រុម​របស់​យើង​ច្រើន។ បំភ្លេច​ការ​ចំណាយ​នៅ​រដូវ​កាល​នេះ ​ពួកគេ​បាន​កសាង​ក្រុម​ដ៏​ល្អ​មួយ​រួច​ទៅ​ហើយ​នៅ រដូវ​កាល​មុន”។

សូម​រំលឹក​ថា Man City ​ឈ្នះ​ពាន​រង្វាន់​លីគ​កំពូល​អង់គ្លេស​រដូវ​កាល​មុន ដោយ​ជាប់​កំណត់ត្រា​ជា​ក្រុម​រក​បាន​១០០​ពិន្ទុ ​នឹង​ស៊ុត​បាន​១០៦​គ្រាប់​៕ប្រភព៖ DailyMail

 

 

 

 

 

 

  • Pep ​ជឿ​ថា​ក្រុម​៣​នេះ មាន​ឱកាស​ប្រជែង​យក​ពាន Premier League ​ពី​លោក​បាន

    Pep Guardiola ​អ្នក​ចាត់ការ​ក្រុម Manchester City ​ជឿ​ជាក់​ថា Liverpool, Chelsea ​និង ​Man United ​នៅ​រដូវ​កាល​នេះ គឺ​ពិត​ជា​មាន​សមត្ថភាព​ខ្ពស់​អាច​ប្រជែង​យក​ពាន Premier League ​ពី​ក្រុម Man City ​បាន។

    Guardiola ​អ្នក​ចាត់ការ​ជោគជ័យ​ខ្លាំង​ទាំង​នៅ​អេស្ប៉ាញ ​អាល្លឺម៉ង់ ហើយ​បច្ចុប្បន្ន​កំពុង​ធ្វើ​បាន​ល្អ​នៅ​អង់គ្លេស​ទៀត​នោះ ​នឹង​ដឹក​នាំ​ក្រុម​ប៉ះ​ជាមួយ​ក្រុម Arsenal ​នៅ​រាត្រី​នេះ​ហើយ ​ដើម្បី​បើក​ឆាក​ការ​ប្រកួត English Premier League ។ ក្នុង​នាម​ជា​ក្រុម​ការពារ​តំណែង​ជើង​ឯក ​ Guardiola ​មើល​ឃើញ​ជា​ស្រេច​ថា​រដូវ​កាល​នេះ​អាច​នឹង​មិន​ងាយ​ស្រួល​ដូច​រដូវកាល​មុន​ឡើយ។ លោក​ដឹង​ច្បាស់​ថា​ក្រុម​ដទៃ​ទទួល​បាន​កីឡាករល្អ​ៗ​មក​រួម​ក្រុម​ច្រើន ​ហើយ​នេះ​ជា​កត្តា​ផ្ដល់​ការ​លំបាក​ដល់ Man City ​ការពារ​តំណែង​ជើង​ឯក។

    អតីត​អ្នកចាត់ការ Barcelona ​រូប​នេះ បាន​បញ្ជាក់​ថា៖ “ទី​នេះ​គឺ​អង់គ្លេស ​មាន​ក្រុម​ល្អ​ៗ​ជា​ច្រើន។ ខ្ញុំ​មើល​ឃើញ​ថា  Liverpool, Chelsea ​និង ​Man United ​សុទ្ធ​តែ​ល្អ​រដូវ​កាល​នេះ ​ពួកគេ​នឹង​ផ្ដល់​ភាព​ពិបាក​ដល់​ក្រុម​របស់​យើង​ច្រើន។ បំភ្លេច​ការ​ចំណាយ​នៅ​រដូវ​កាល​នេះ ​ពួកគេ​បាន​កសាង​ក្រុម​ដ៏​ល្អ​មួយ​រួច​ទៅ​ហើយ​នៅ រដូវ​កាល​មុន”។

    សូម​រំលឹក​ថា Man City ​ឈ្នះ​ពាន​រង្វាន់​លីគ​កំពូល​អង់គ្លេស​រដូវ​កាល​មុន ដោយ​ជាប់​កំណត់ត្រា​ជា​ក្រុម​រក​បាន​១០០​ពិន្ទុ ​នឹង​ស៊ុត​បាន​១០៦​គ្រាប់​៕ប្រភព៖ DailyMail