លោក Jose Mourinho បាននិយាយអបអរទៅលោក Arteta ដែលបានដឹកនាំក្រុម Arsenal លេងបានល្អក្នុងការប្រកួតទល់ក្រុម Spurs នៅយប់មិញនេះ។
ក្រុម Spurs បានយកឈ្នះលើក្រុម Arsenal ក្នុងលទ្ធផល ២-០ សម្រាប់ការប្រកួតពានរង្វាន់ English Premier League នៅយប់មិញនេះ។ ក្រុមមាន់ខ្នាយមាសនៅតែបន្ដទម្រង់លេងការពារវាយបកដដែល ហើយក៏ទទួលបានផលដូចប្រកួតមុនៗដែរ។ ខណៈដែលក្រុមកាំភ្លើងធំព្យាយាមសម្រុក តែមិនអាចទម្លាយប្រព័ន្ធការពារយ៉ាងល្អរបស់លោក Jose បានឡើយ។
ក្រោយចប់ការប្រកួតអ្នកចាត់ការ Jose បាននិយាយថា៖ “ខ្ញុំអបអរដល់ Arteta ដែលដឹកនាំក្រុម Arsenal បានល្អ។ នេះជាការប្រកួតមួយ ដែល Arsenal ធ្វើឱ្យក្រុម Spurs ជួបការលំបាកច្រើន។ តាក់តិចរបស់ពួកគេល្អ និងរៀបចំក្រុមបានល្អថែមទៀត។ ពួកគេបានផ្ដល់ផលលំបាកឱ្យយើង តែយើងអាចដោះស្រាយវាបាន”៕ប្រភព Goal