ក្រុមហង្សក្រហម Liverpool បានយកឈ្នះលើក្រុម Wolves ក្នុងលទ្ធផល ៤-០ ឯណោះនាការប្រកួតនៅយប់មិញនេះ ដែលមានអ្នកគាំទ្រចូលទស្សនាជាលើកដំបូងឡើងវិញក្នុងរយៈពេល៩ខែមកនេះ។
លេងនៅទឹកដីខ្លួនឯងជាមួយអ្នកគាំទ្រចូលទស្សនាផងនោះ ក្រុម Liverpool ពិតជាធ្វើបានល្អមែនទែន។ ពួកគេរកបាន៤គ្រាប់ឯណោះដោយ Salah ១គ្រាប់ Wijnaldum ១គ្រាប់ Matip ១គ្រាប់និងបាល់ចូលទីខ្លួនឯងរបស់ Semedo ១គ្រាប់។ ទទួលបាន៣ពិន្ទុបន្ថែមនេះ បានធ្វើឱ្យក្រុម Liverpool ឡើងទៅលេខ២ក្នុងតារាង ដោយមានពិន្ទុស្មើជាមួយ Spurs ដែរ តែចាញ់គ្រាប់បាល់ចំណេញ។
លោក Klopp បានអះអាងថាវត្តមានរបស់អ្នកគាំទ្របានធ្វើឱ្យក្រុមរបស់លោកលេងដោយទំនុកចិត្ត និងនេះជាបរិយាកាសល្អមួយសម្រាប់វិស័យបាល់ទាត់។ លោករំពឹងថាទៅថ្ងៃមុខ នឹងមានអ្នកគាំទ្រកាន់តែច្រើនអាចចូលទស្សនាការប្រកួតក្នុងទីលានបាន៕ប្រភព Dailymail
