ក្រុម Real Madrid បានយកឈ្នះលើក្រុម Sevilla ក្នុងលទ្ធផល ១-០ សម្រាប់ការប្រកួតពានរង្វាន់ La Liga នៅយប់មិញនេះ។ការទទួលបានជ័យជម្នះនេះ បានធ្វើឱ្យលោក Zidane បន្ថយកម្ដៅបន្តិចហើយក្នុងតំណែងរបស់លោក។
យ៉ាងណាមិញអ្នកចាត់ការបារាំងរូបនេះនៅមានការងារធំមួយទៀតនៅ UEFA Champions League ដែលត្រូវការឈ្នះដាច់ខាតតែម្ដង។ និយាយពីពានរង្វាន់ La Liga វិញ ក្រុមអធិរាជស ក៏បានហក់ឡើងទៅលេខ៣ក្នុងតារាងផងដែរ។
លោក Zidane បាននិយាយក្រោយចប់ការប្រកួតនៅយប់មិញនេះថា៖ “នេះជា៣ពិន្ទុយ៉ាងសំខាន់។ យើងសក្ដិសមសម្រាប់ទទួលបានជ័យជម្នះនេះជាមួយទម្រង់លេងយ៉ាងល្អ។ យើងនឹងមិនបញ្ឈប់ក្ដីសង្ឃឹមយើងឡើង យើងនឹងដោះស្រាយគ្រប់បញ្ហា និងបន្ដដំណើរទៅមុខទៀត”៕
ប្រភព៖ DailyMaily