Antonio di Natale គឺជាអតីតកីឡាករមួយរូបនៅ Serie A ដែលលោកបានបញ្ចប់អាជីពបាល់ទាត់នៅអាយុ ៣៩ ឆ្នាំ ជាមួយក្លឹបចុងក្រោយ Udinese។ ថ្មីៗនេះលោកបាននិយាយអំពី Cristiano Ronaldo ដោយជឿជាក់ថា CR7 នឹងនៅតែធ្វើបានល្អ ទោះវ័យចំណាស់ដល់ចូល ៤០ ក៏ដោយ។
ប្រាប់សារព័ត៌មាន Marca បុរសវ័យ ៤៣ ឆ្នាំនិយាយ៖ “Ronaldo និង Messi បានរកគ្រាប់បាល់ច្រើនជាងនរណាទាំងអស់ ហើយនៅអ៊ីតាលីនេះវិញ គាត់នៅតែអាចបង្ហាញឲ្យឃើញថាគាត់អាចធ្វើបានដូចនៅ Real Madrid និងនៅ Premier League អ៊ីចឹង ពោលគឺគ្រប់កន្លែងទាំងអស់”។
លោកបន្ថែមទៀតថា៖ “គាត់អាចធានាគ្រាប់បាល់ចន្លោះពី ៣០ ទៅ ៣៥ គ្រាប់/រដូវកាលបាន ព្រោះគាត់ខិតខំហ្វឹកហាត់ គាត់អភិវឌ្ឍខ្លួនជាបន្តបន្ទាប់ និងកុំថាឡើយដល់គាត់អាយុ ៤០ ឆ្នាំ ក៏គាត់នៅតែអាចរកបានគ្រាប់បាល់ច្រើនដែរ”។
បញ្ជាក់ថាក្រៅពីសរសើរដល់កីឡាករព័រទុយហ្គាល់ លោក Natale ក៏ឆ្លៀតសរសើរដល់ខ្ញីចាស់មួយរូបផ្សេងទៀតនោះគឺ Zlatan Ibrahimovic ដែលនៅអាយុ ៣៩ ឆ្នាំទៅហើយ កំពុងជួយឲ្យក្លឹប AC Milan ឈរនៅកំពូលតារាង Serie A៕
ប្រភព៖ Marca