បើទោះបីជា Liverpool និង Man Utd ជាក្រុមគូប្រជែងនឹងគ្នាក៏ដោយ ប៉ុន្តែ Diogo Jota មិនរអានោះទេនឹងនិយាយថា Cristiano Ronaldo គឺជាវីរបុរសរបស់ខ្លួន។ នោះក៏ដោយសារអ្នកទាំងពីរជាមិត្តរួមជម្រើសជាតិព័រទុយហ្គាល់នឹងគ្នារាប់ឆ្នាំមកហើយ។
ប្រាប់នៅបទសម្ភាសន៍ជាមួយ The Athletic ខ្សែប្រយុទ្ធ Jota និយាយថា៖ “Cristiano Ronaldo គឺជាវីរបុរសរបស់ខ្ញុំ ដោយកាលនៅ [Euro 2004] កាលនោះគាត់ទើបមានអាយុ ១៩ ឆ្នាំទេ តែគាត់ចាប់ផ្តើមលេងនៅ Euro បណ្តើរៗហើយ និងពោរពេញទៅដោយគុណភាព”។
គេបន្តថា៖ “កំឡុងពេលខ្ញុំនៅក្មេង គាត់នៅលេងឲ្យក្លឹប Man Utd និង Real Madrid ហើយនាមជាជនជាតិព័រទុយហ្គាល់ម្នាក់ យើងតែងតែយកគាត់ជាគំរូម្នាក់របស់ពួកយើង”។
បញ្ជាក់ថា ចាប់តាំងពីការផ្ទេរមកចូលរួមនៅ Liverpool កីឡាករវ័យ ២៤ ឆ្នាំ រកបាន ៩ គ្រាប់ហើយឲ្យហង្ស ដោយមាន ៤ គ្រាប់នៅព្រឹត្តិការណ៍ធំ UEFA Champions League៕ ប្រភព៖ SoccerLaduma