លោក Carles Tusquets ប្រធានគណៈកម្មាធិការគ្រប់គ្រងក្លឹប Barcelona បានអះអាងថាក្លឹបនឹងយក Neymar ត្រលប់មកវិញ ប្រសិនបើតម្លៃខ្លួនរបស់គេ Free ។
លោក Tusquets បានបញ្ជាក់ច្បាស់ថាបញ្ហាកូវីដ១៩ បានធ្វើឱ្យក្លឹបមានបញ្ហាលុយកាកខ្លាំងមែនទែន ដែលពិបាកក្នុងការចំណាយដើម្បីទិញកីឡាករថ្មី។ បើទោះជាប្រធានក្លឹបថ្មីចូលកាន់តំណែងនៅឆ្នាំក្រោយក៏ដោយ ក៏ក្លឹបនេះពិបាកក្នុងការចំណាយប្រាក់រាប់លានដើម្បីទៅទិញកីឡាករម្នាក់ដូចជា Neymar ផងដែរ។
លោកបាននិយាយបែបនេះថាក្លឹបនឹងយកកីឡាករប្រេស៊ីលរូបនេះភ្លាម ប្រសិនបើរូបគេមកដោយមិនមានតម្លៃខ្លួន។ តែរឿងនេះពិតជាពិបាកខ្លាំងមែនទែន ព្រោះរូបគេជាកីឡាករសំខាន់ម្នាក់របស់ក្រុម PSG ។ ខណៈដែលក្លឹបនៅបារាំងនេះ មិនដែលឱ្យកីឡាករសំខាន់ខ្លួនចាកចេញដោយទទេៗនោះទេ៕ប្រភព Marca
