Paredes ខ្សែបម្រើរបស់ក្រុម PSG និងមិត្តរួមសញ្ជាតិអាហ្សង់ទីន បានអះអាងថាគ្រប់គ្នានៅក្នុងក្លឹបបារាំងមួយនេះ សុទ្ធតែចង់ឃើញវត្តមានរបស់ Lionel Messi មករួមក្រុម។
កាលពីម្សិលមិញនេះ Neymar បានបញ្ជាក់ថានៅរដូវកាលក្រោយនេះ រូបគេចង់លេងជាមួយ Messi វិញ ហើយវានឹងកើតមានឡើង។ ស្របពេលជាមួយសម្ដីនេះ ក៏ស្រាប់តែមិត្តរួមក្រុមរបស់គេ Paredes ដែលលេងនៅជម្រើសជាតិអាហ្សង់ទីន ជាមួយ Messi ក៏កំពុងបញ្ចុះបញ្ចូលខ្សែប្រយុទ្ធអាវលេខ១០របស់ក្រុម Barcelona មករួមក្រុមនៅបារាំងផងដែរ។
Paredes វ័យ២៦ឆ្នាំបាននិយាយថា៖ “Messi មក PSG? ខ្ញុំក៏សង្ឃឹមបែបនេះដែរ។ យើងគ្រប់គ្នា សុទ្ធតែស្វាគមន៍គាត់មកទីនេះទាំងអស់ ប៉ុន្តែនេះជាការសម្រេចចិត្តរបស់គាត់។ ខ្ញុំតែងតែនិយាយជានិច្ច ខ្ញុំសង្ឃឹមថាគាត់នឹងមកជួយយើង ហើយយើងនឹងស្វាគមន៍គាត់ដៃ១០តែម្ដង”៕ប្រភព Goal
