ក្រុមកាំភ្លើងធំ Arsenal បានយកឈ្នះលើក្រុម Rapid Vienn ក្នុងលទ្ធផល ៤-១ នៅចំពោះមុខអ្នកគាំទ្រ២ពាន់នាក់ ដែលបានអនុញ្ញាតឱ្យចូលទស្សនាក្នុងកីឡដ្ឋានវិញ។
ដោយសារតែមេរោគកូវីដ១៩ បានធ្វើឱ្យវិស័យបាល់ទាត់ត្រូវលេងដោយបិទទ្វាមិនឱ្យអ្នកគាំទ្រចូលទស្សនាជាច្រើនខែមកហើយ។ ទើបតែពេលនេះរដ្ឋាភិបាលអង់គ្លេស បានយល់ព្រមឱ្យមានអ្នកគាំទ្រមួយចំនួនអាចចូលទស្សនាការប្រកួតវិញបានខ្លះៗហើយ ប៉ុន្តែត្រូវរក្សាគម្លាតពីគ្នាដដែល និងមិនឱ្យស្រែកខ្លាំងៗនោះទេ។
ក្រុម Arsenal នៅយប់មិញនេះ បានបើកកីឡដ្ឋានរបស់ខ្លួនមុនគេ មានអ្នកគាំទ្រប្រមាណ២ពាន់នាក់អាចចូលទស្សនាបាន។ ដោយលេងនៅមុខអ្នកគាំទ្រនេះហើយ ទើបបានជាក្រុមកាំភ្លើងធំមួយនេះធ្វើបានល្អ រកគ្រាប់បាល់បានដល់ទៅ៤គ្រាប់ឯណោះ៕ប្រភព Dailymail