ក្រុម Spurs នឹងត្រូវប្រកួតជាមួយក្រុម LASK នៅរាត្រីនេះ សម្រាប់ការប្រកួតពានរង្វាន់ Europa League សប្ដាហ៍ទី៥។
ក្រុមរបស់លោក Jose Mourinho នៅមិនទាន់អាចឡើងទៅវគ្ក៣២ក្រុមចុងក្រោយនៃពានរង្វាន់នេះបាននៅឡើយទេ ដោយបច្ចុប្បន្នឈរនៅត្រឹមលំដាប់ថ្នាក់លេខ២ក្នុងតារាងប៉ុណ្ណោះ។ ដូច្នេះហើយនៅរាត្រីនេះ ពួកគេក៏ត្រូវការជ័យជម្នះដាច់ខាតផងដែរ ដើម្បីអាចឡើងទៅវគ្គបន្ដបាន។
មុនការប្រកួតនេះចាប់ផ្ដើម លោក Jose Mourinho បានអះអាងថា៖ “LASK នឹងធ្វើឱ្យក្រុមពិបាកមិនខាន។ ពួកគេនឹងប្រយុទ្ធដើម្បីប្រជែងឱកាសឡើងវគ្គបន្ដ។ យើងយកឈ្នះគេស្រួលក្នុងដីរបស់យើង ប៉ុន្តែការប្រកួតនៅរាត្រីនេះមិនដូចគ្នាឡើយ។ ខ្ញុំនៅតែគិតថា LASK ជាក្រុមខ្លាំងមួយក្នុងពូលនេះ។ យើងនឹងជួបការប្រកួតដ៏ពិបាកមួយនៅរាត្រីនេះ”៕
ប្រភព៖ Theguardian