Liverpool បានយកឈ្នះ Ajax ក្នុងលទ្ធផល ១-០ សម្រេចយកបាន ៣ ពិន្ទុវ៉ាដាច់គេក្នុងពូល ហើយមានកៅអីឆ្ពោះទៅកាន់វគ្គ ១៦ ក្រុមចុងក្រោយ។ វាជាការសម្រេចទី ដោយកីឡាករវ័យក្មេង Curtis Jones ដែលលេងនៅតំណែងបម្រើស្លាប។
មួយគ្រាប់របស់ Jones នៅនាទី ៥៨ នោះ បានរុញឲ្យឈ្មោះរបស់គេក្លាយជាកីឡាករវ័យក្មេងបំផុតលំដាប់ទី ៣ នៅហង្សដែលអាចរកបានគ្រាប់បាល់ក្នុងព្រឹត្តិការណ៍ UEFA Champions League ពោលគិតត្រឹមយប់មិញគឺមានអាយុ ១៩ ឆ្នាំ និង ៣០៦ ថ្ងៃ។
កំណត់ត្រាចាស់នេះ គ្រងដោយបុគ្គល ២ រូបផ្សេងទៀត កន្លងមានដូចជា David N’Gog នៅអាយុ ១៩ ឆ្នាំ និង ២៥២ ថ្ងៃ ហើយខ្សែការពារស្លាប Trent Alexander-Arnold ឈរលេខ ១ មានអាយុ ១៩ ឆ្នាំ និង ១០ ថ្ងៃ។
បញ្ជាក់ថានៅយប់មិញយុវជនជើងក្រោយ បានមកចូលរួមជួយ Liverpool ច្រើន ហើយវាក៏ជាលើកដំបូងដែល Neco Williams បាន Assist បាល់ឲ្យ Curtis Jones ពោលជាការសហការគ្នាសម្រេចទីឲ្យហង្សបានយ៉ាងល្អផងដែរ៕
ប្រភព៖ Opta