ព័ត៌មានដោះដូរកីឡាករទាក់ទងនឹងក្លិប Preah Khan Reach Svay Rieng FC នៅថ្ងៃនេះគិតត្រឹមម៉ោងនេះមានកីឡាករ៣នាក់បានប្រកាសចាកចេញពីក្លិបនេះហើយ ដែលយើងអាចមើលឃើញថានេះគឺជាការផ្លាស់ប្ដូរលក្ខណៈទ្រង់ទ្រាយធំ។
ឈិន ឈឿនបានប្រកាសចាកចេញទៅលេងនៅក្លិបដើមកងយោធិពលខេមរភូមិន្ទវិញ ក្រោយគ្មានឱកាសបង្ហាញខ្លួនញឹកញាប់កាលពីរដូវកាលមុន។ ទំព័រហ្វេសបុករបស់ក្លិបក៏បានប្រកាសអំពីការចាកចេញមួយនេះដែរកាលពីព្រឹកមិញ។
ចំណែកកីឡាករកើតចេញពីថ្នាលយុវជនរបស់ស្វាយរៀងមានដូចជា នុប តុលានិង នេន សុធារ័ត្នក៏បានប្រកាសពីការចាកចេញពីក្លិបមានមូលដ្ឋាននៅខេត្តស្វាយរៀងដែរ ក្រោយរួមរស់ជិត១០ឆ្នាំ។ សម្រាប់កីឡាករ២រូបនេះគេមិនទាន់ដឹងថាតើទ្រនំថ្មីគឺជាក្លិបមួយណានោះទេ៕
