ក្រុម Atletico Madrid នឹងបើកទ្វាកីឡដ្ឋានរបស់ខ្លួនស្វាគមន៍ក្រុមភ្ញៀវ Bayern Munich សម្រាប់ការប្រកួតវគ្គសន្សំពិន្ទុតាមពូលពានរង្វាន់ UEFA Champions League ។
សម្រាប់ការប្រកួតនេះដែរ ក្រុមភ្ញៀវ Bayern Munich លេង៤ប្រកួតកន្លងមកនេះ គឺឈ្នះទាំង៤ប្រកួតតែម្ដងឈរនៅកំពូលតារាង និងទទួលបានឱកាសឡើងទៅវគ្គបន្ទាប់ដោយស្វ័យប្រវត្តិហើយ។ ដោយឡែកក្រុម AT Madrid ដែលជាម្ចាស់ផ្ទះវិញ ទើបមាន៥ពិន្ទុប៉ុណ្ណោះក្នុងការប្រកួត៤ប្រកួតកន្លងមក និងត្រូវការពិន្ទុជាចាំបាច់សម្រាប់ការប្រកួតមួយនេះ។
លោក Simeone អ្នកចាត់ការក្រុម AT Madrid បាននិយាយមុនការប្រកួតនេះថា៖ “ទោះជាក្រុម Bayern មានកីឡាករមិនពេញក៏ដោយ តែពួកគេនៅតែជាក្រុមខ្លាំងមួយដដែល។ Bayern ជាក្រុមចូលចិត្តប្រយុទ្ធ មានខ្សែបម្រើល្អច្រើន។ ពួកគេបើមានឱកាសរកគ្រាប់បាល់ មិនគិតច្រើនឡើយ។ ពួកគេជាក្រុមចូលចិត្តរកគ្រាប់បាល់ឱ្យបានច្រើនៗ”៕
ប្រភព៖ Marca