• Luis ​៖ ​Shakhtar ​មាន​សមត្ថភាព​គ្រប់​គ្រាន់​ដើម្បី​យក​ឈ្នះ Real Madrid ​

    ​ក្រុម Shakhtar ​នឹង​ត្រូវ​បើក​កីឡដ្ឋាន​របស់​ខ្លួន​ស្វាគមន៍​ក្រុម​ភ្ញៀវ Real Madrid ​នៅ​ម៉ោង​១២:៥៥​នាទី​យប់​នេះ ​សម្រាប់​ការ​ប្រកួត​ពាន​រង្វាន់ UEFA Champions League ​។

    ​ក្រុម​មក​ពី​អ៊ុយក្រែន​ខាង​លើ​នេះ​បាន​បង្ក​ភាព​ភ្ញាក់ផ្អើល​ម្ដង​មក​ហើយ​កាល​នៅ​ទឹក​ដី​អេស្ប៉ាញ ដោយ​បាន​យក​ឈ្នះ​លើ​ក្រុម Real Madrid ​បាន​ក្នុង​លទ្ធផល ៣-២ ​ឯ​ណោះ។ ​ដោយ​ឡែក​សម្រាប់​ជើង​ទី​២​នេះ​ទៀត ​ក្នុង​ទឹក​ដី​ខ្លួន​ឯង លោក ​Luis Castro ​ដែល​ជា​គ្រូ​បង្វឹក​មាន​ទំនុក​ចិត្ត​ខ្ពស់​ថា​ក្រុម​របស់​លោក​នឹង​អាច​បង្កើត​ប្រវត្តិសាស្ត្រ​បាន​ដូច​លើក​មុន​ដែរ ​យក​ឈ្នះ​លើ​ក្រុម Real Madrid ​។

    ​លោក Luis Castro ​បាន​និយាយ​មុន​ការ​ប្រកួត​ថា​៖ “យើង​មាន​ទំនុក​ចិត្ត​ណាស់​ថា​យើង​នឹង​ធ្វើ​វា​បាន​ម្ដង​ទៀត​ទល់ Real Madrid ​។ គ្រប់​គ្នា​បាន​ដឹង​ហើយ​ថា Real ​ជា​ក្រុម​ខ្លាំង​មួយ​និង​មាន​ប្រវត្តិ​ឈ្នះ​ពាន UCL ​ជា​ច្រើន។ ​តែ​ខ្ញុំ​ជឿ​ជាក់​លើ​កូន​ក្រុម​ខ្ញុំ ​ថា​នឹង​យក​ឈ្នះ​លើ​ក្រុម​មួយ​នេះ​ឱ្យ​បាន​”៕

    ប្រភព៖ Marca

    ភ្ជាប់ទំនាក់ទំនងជាមួយ CTS SPORT