ទោះ​មិន​សូវ​បាន​លេង ក៏​ Nacho នៅ​តែ​ប្តូរផ្តាច់​ចង់​បន្ត​ឈរ​ជើង​ឲ្យ​ក្លឹប Real Madrid

Nacho Fernandez នៅ​រដូវ​កាល ២០២០/២១ ទើប​តែ​ឈរ​ជើង​បាន​ ៤៩៣ នាទី​ប៉ុណ្ណោះ​លើ​ទីលាន តាម​រយៈ​ការ​បង្ហាញ​ខ្លួន​ ៦ លើក ហើយ Assist ​បាន ១។ កុងត្រា​របស់​គេ​នឹង​ត្រូវ​ផុត​នៅ​ចុង​ខែ​មិថុនា ឆ្នាំ ២០២២ ឯ​ណោះ ប៉ុន្តែ​​គិត​មក​ទល់​ពេល​នេះ​សាមី​ខ្លួន​ហាក់​មិន​ទាន់​រវីរវល់​ដល់​ការ​ចាកចេញ​នោះ​ឡើយ។

ខ្សែ​បម្រើ​សញ្ជាតិ​អេស្ប៉ាញ​នៅ​រយៈ​ពេល​ចុង​ក្រោយ មិន​ល្ហិចល្ហៀង​ពី​ការ​ចង់​ចាកចេញ​អ្វី​នោះ​ទេ ហើយ​ថ្មីៗ​នេះ​គេ​ក៏​សង្កត់​ធ្ងន់​ប្រាប់​សារព័ត៌មាន Marca ដែរ​ថា៖ “រៀងរាល់​រដូវ​ក្តៅ​ចូល​មក​ដល់​សំណើ​តែងតែ​មាន​ហើយ ប៉ុន្តែ​ខ្ញុំ​រីករាយ​សម្រាប់​ការ​ឈរ​ជើង​នៅ​ទី​នេះ ពិត​ណាស់​ខ្ញុំ​ចង់​លេង​បាន​ច្រើន​ជាង​នេះ តែ​ក្តី​ស្រមៃ​របស់​ខ្ញុំ​គឺ​ចង់​លេង​ឲ្យ​ក្រុម Real Madrid”។

បញ្ជាក់​ថា Nacho គឺ​ជា​អតីត​យុវជន​ថ្នាល​របស់ Real ហើយ​គេ​ដាំ​ខ្ទឹម​នៅ​ក្លឹប​យក្ស​អេស្ប៉ាញ​តាំង​ពី​ឆ្នាំ ២០០៧ ដោយ​បាន​វិវត្ត​មក​ឈុត​ធំ​នៅ​ឆ្នាំ ២០១៣។ សរុប​ការ​បង្ហាញ​ខ្លួន គេ​ចូលរួម ២០៦ ប្រកួត រក​បាន ១១ គ្រាប់​និង Assist ៨ លើក៕ ប្រភព៖ Goal

  • ទោះ​មិន​សូវ​បាន​លេង ក៏​ Nacho នៅ​តែ​ប្តូរផ្តាច់​ចង់​បន្ត​ឈរ​ជើង​ឲ្យ​ក្លឹប Real Madrid

    Nacho Fernandez នៅ​រដូវ​កាល ២០២០/២១ ទើប​តែ​ឈរ​ជើង​បាន​ ៤៩៣ នាទី​ប៉ុណ្ណោះ​លើ​ទីលាន តាម​រយៈ​ការ​បង្ហាញ​ខ្លួន​ ៦ លើក ហើយ Assist ​បាន ១។ កុងត្រា​របស់​គេ​នឹង​ត្រូវ​ផុត​នៅ​ចុង​ខែ​មិថុនា ឆ្នាំ ២០២២ ឯ​ណោះ ប៉ុន្តែ​​គិត​មក​ទល់​ពេល​នេះ​សាមី​ខ្លួន​ហាក់​មិន​ទាន់​រវីរវល់​ដល់​ការ​ចាកចេញ​នោះ​ឡើយ។

    ខ្សែ​បម្រើ​សញ្ជាតិ​អេស្ប៉ាញ​នៅ​រយៈ​ពេល​ចុង​ក្រោយ មិន​ល្ហិចល្ហៀង​ពី​ការ​ចង់​ចាកចេញ​អ្វី​នោះ​ទេ ហើយ​ថ្មីៗ​នេះ​គេ​ក៏​សង្កត់​ធ្ងន់​ប្រាប់​សារព័ត៌មាន Marca ដែរ​ថា៖ “រៀងរាល់​រដូវ​ក្តៅ​ចូល​មក​ដល់​សំណើ​តែងតែ​មាន​ហើយ ប៉ុន្តែ​ខ្ញុំ​រីករាយ​សម្រាប់​ការ​ឈរ​ជើង​នៅ​ទី​នេះ ពិត​ណាស់​ខ្ញុំ​ចង់​លេង​បាន​ច្រើន​ជាង​នេះ តែ​ក្តី​ស្រមៃ​របស់​ខ្ញុំ​គឺ​ចង់​លេង​ឲ្យ​ក្រុម Real Madrid”។

    បញ្ជាក់​ថា Nacho គឺ​ជា​អតីត​យុវជន​ថ្នាល​របស់ Real ហើយ​គេ​ដាំ​ខ្ទឹម​នៅ​ក្លឹប​យក្ស​អេស្ប៉ាញ​តាំង​ពី​ឆ្នាំ ២០០៧ ដោយ​បាន​វិវត្ត​មក​ឈុត​ធំ​នៅ​ឆ្នាំ ២០១៣។ សរុប​ការ​បង្ហាញ​ខ្លួន គេ​ចូលរួម ២០៦ ប្រកួត រក​បាន ១១ គ្រាប់​និង Assist ៨ លើក៕ ប្រភព៖ Goal