អាជ្ញាកណ្ដាលស្រី Stephanie Frappart នឹងក្លាយជាអ្នកទី ១ ក្នុងប្រវត្តិសាស្ត្របាល់ទាត់ ដែលចូលរួមកាត់សេចក្ដីនៅព្រឹត្តិការណ៍ UEFA Champions League ផ្នែកបុរស ដោយអ្នកស្រីនឹងមានវត្តមានក្នុងការប្រកួតរបស់ក្លឹប Juventus ទល់ Dynamo Kiev នាថ្ងៃទី ២ ធ្នូ។
ស្រ្តីវ័យ ៣៦ ឆ្នាំកន្លងមកក៏ធ្លាប់មានវត្តមានកំឡុងការប្រកួតវគ្គផ្តាច់ព្រ័ត្រ UEFA Super Cup ដែលក្រុម Liverpool លេងប៉ះ Chelsea នៅឆ្នាំ ២០១៩ ផងដែរ ប៉ុន្តែសម្រាប់ការប្រកួតនៅ UCL គឺជាលើកដំបូងហើយ។
Frappart អាចរាប់ថាមានបទពិសោធន៍ជោកជាំនៅប្រកួតធំៗកន្លងមក ដូចជាកាលព្រឹត្តិការណ៍ World Cup វគ្គផ្ដាច់ព្រ័ត្រផ្នែកនារីឆ្នាំ ២០១៩ ដែលអាមេរិកលេងប៉ះហូឡង់ ក៏ដូចជាប្រកួតនៅក្របខ័ណ្ឌ Ligue 1 កាលពីខែមេសា ឆ្នាំទៅក៏អ្នកស្រីជាអ្នកដំបូងដូចគ្នា៕
ប្រភព៖ Skysports