ក្រុមកាំភ្លើងធំធ្វើមិនបានល្អឡើយ ក្នុងការប្រកួតនៅយប់មិញនេះ ដោយលេងចាញ់ក្រុម Wolves ក្នុងលទ្ធផល ២-១ សម្រាប់ការប្រកួតពានរង្វាន់ English Premier League ។ក្នុងដីខ្លួនឯង ក្រុមកាំភ្លើងធំ Arsenal ហាក់ដូចជាមិនសមប្រកបសោះ ពោលគឺលេងចាញ់ក្រុម Wovles ក្នុងលទ្ធផល ២-១ សម្រាប់ការប្រកួតសប្ដាហ៍ទី១០។
បរាជ័យនេះ បានធ្វើឱ្យមានសម្ពាធជាច្រើនកើតឡើងទៅលើអ្នកចាត់ការ Arteta ព្រោះក្រុមបច្ចុប្បន្នស្ថិតនៅពាក់កណ្ដាលតារាងឯណោះ ឃ្លាតឆ្ងាយមែនទែនពីក្រុម Top4 ។ត្បិតតែយ៉ាងនេះក្ដី លោក Arteta អ្នកចាត់ការក្រុម Arsenal ចេញមុខមកអះអាងថាលទ្ធផលអនាគតយ៉ាងណា លោកមិនបារម្ភឬខ្វាយខ្វល់នោះទេ។
អតីតដៃស្ដាំរបស់លោក Pep រូបនេះ ថែមទាំងបន្ដថាលោកចាប់អាជីពនេះគឺយល់ច្បាស់ថាថ្ងៃណាមួយគេនឹងបណ្ដេញលោកចោលហើយ ដូច្នេះគ្មានអ្វីត្រូវបារម្ភឡើយ៕
ប្រភព៖ DailyMail