ក្រុមរបស់លោក Jose Mourinho នឹងត្រូវតតាំងជាមួយក្រុម Chelsea នៅម៉ោង១១:៣០នាទីយប់នេះ សម្រាប់ពានរង្វាន់ English Premier League ។
នេះជាការប្រកួតធំមួយសម្រាប់ក្រុមទាំងពីរ ដោយ Spurs ក៏ត្រូវការឈ្នះដើម្បីបន្ដឈរនៅកំពូលតារាង ហើយក្រុម Chelsea វិញក៏ត្រូវការឈ្នះដើម្បីប្រដេញពិន្ទុដូចគ្នា។ ខណៈដែលទម្រង់លេងវិញ ពួកគេលេងបានល្អដូចគ្នា មិនមានអ្វីខុសគ្នាឡើយ ដោយគ្រាន់តែលោក Jose មានក្បួនការពារល្អជាងបន្តិចប៉ុណ្ណោះ។
លោក Jose មុនការប្រកួតនេះបានបោះសម្ដីថា៖ “អ្នកគួរតែសួរទៅ Frank ថាពួកគេខ្លាចយើងឬអត់? ប៉ុន្តែខ្ញុំមិនគិតថាពាក្យខ្លាច ជាពាក្យត្រឹមត្រូវសម្រាប់ពេលនេះទេ។ យើងជាក្រុមដែលមិនភ័យខ្លាចនរណាឡើយ។ មិនខ្លាច ប៉ុន្តែយើងផ្ដល់ក្ដីគោរពដល់ពួកគេ”៕
ប្រភព៖ Skysports