ក្រុមអ្នកមានបារាំង PSG លេងបានត្រឹមស្មើជាមួយក្រុម Bordeaux ក្នុងលទ្ធផល ២-២ ប៉ុណ្ណោះសម្រាប់ការប្រកួតពានរង្វាន់លីគកំពូលបារាំងនៅយប់មិញនេះ។
ជាមួយលទ្ធផលនាំមុខគេ ហើយត្រូវគេដេញតាមរហូតដល់ស្មើនេះ ត្រូវបានលោក Thomas Tuchel អ្នកចាត់ការក្រុម PSG អះអាងថាវាជារឿងមិនគួរឱ្យកើតមានឡើងនោះទេ។ ជាក់ស្ដែង លោកតែងតែចេញមុខមកការពារកូនក្រុមជានិច្ច តែលើកនេះវិញវាជារឿងកើតឡើងដដែលៗពេក និងពួកគេត្រូវទទួលខុសត្រូវផងដែរ សម្រាប់ការលេងបែបនេះ។
អ្នកចាត់ការខាងលើបានបន្ថែមទៀតថាក្រុមរបស់លោកលេងល្អនៅតង់ទី១ ប៉ុន្តែឈានដល់តង់ទី២វិញ ឃើញថាពួកគេលេងមិនបានល្អនោះទេ។ ក្រុម PSG មានឱកាសសម្លាប់ការប្រកួតច្រើនដែរ ប៉ុន្តែចុងក្រោយពួកគេបែរជាមិនអាចធ្វើបានសម្រេចទៅវិញ៕
ប្រភព៖ DailyMail