Liverpool យកបានតែ ១ ពិន្ទុប៉ុណ្ណោះសម្រាប់ការប្រកួតនៅជុំទី ១០ ក្រោយពីស្មើ ១-១ ទល់ក្រុមក្បែរបាតតារាង Brighton កាលពីល្ងាចថ្ងៃសោរ៍ ទី ២៩ វិច្ឆិកា។ បច្ចុប្បន្នពួកគេមាន ២១ ពិន្ទុនាំមុខលើ Spurs តែ ១ ពិន្ទុប៉ុណ្ណោះ ខណៈមាន់ខ្នាយមាសមានប្រកួតសំខាន់ទល់ Chelsea នៅរាត្រីថ្ងៃអាទិត្យនេះ។
ក្រឡេកទៅមើលការប្រកួតរបស់ Liverpool ក្នុងដីរបស់ Brighton ខាងក្រុមភ្ញៀវហាក់មិនសូវមានឱកាសស៊ុតទាល់តែសោះ ដោយស៊ុតចេញត្រឹម ៦ លើក ចំគោលដៅតែ ២ លើកគត់ ត្បិតបើភាគរយគ្រប់គ្រងបាល់មានខ្ពស់ជាងម្ចាស់ផ្ទះក៏ពិតមែន។
គ្រាប់បាល់មួយនោះធ្វើបានដោយ Diogo Jota នៅនាទី ៦០ មុនត្រូវបានតាមស្មើដោយការស៊ុតបាល់ប៉េណាល់ទីលើកទី ២ របស់ Brighton នៅនាទី ៩០+៣ ហើយអាចរកបានគ្រាប់បាល់ដោយកីឡាករ Pascal Gross។
បញ្ជាក់ថានៅប្រព័ន្ធដែលលោក Jurgen Klopp ប្រើប្រាស់កាលពីយប់មិញ គឺមិនសូវពេញជើងល្អនោះទេ ទាំងនៅតំបន់ការពារ ដល់ប្រយុទ្ធ ដោយនៅជួរក្រោមរាងស្ទើរការពារស្លាបដែលក្រុមត្រូវប្រើប្រាស់ Williams ជំនួស Arnold និងតំបន់កណ្តាលបន្តអវត្តមាន Van Dijk រយៈពេលយូរ។ ដល់ឥឡូវនេះ James Milner បានរងរបួសកាលពីយប់មិញថែមទៀត ពោលវាកាន់តែបន្ថែមបញ្ហាស្មុគស្មាញដល់ក្រុមខ្លាំងមែនទែន៕
ទស្សនាវីដេអូខាងក្រោម៖
https://youtu.be/su2wLe-5mjc