Christian Pulisic គឺជាកីឡាករលេចធ្លោដាច់គេនៅសហរដ្ឋអាមេរិក ដែលកំពុងបម្រើអាជីពនៅលីគកំពូលអឺរ៉ុបជាមួយក្លឹបតោខៀវ Chelsea។ វាមិនជារឿងចម្លែកនោះទេ បើនិយាយថាអាវ Pulisic ស្ថិតក្នុងបញ្ជីឈុតដែលលក់ដាច់បំផុតមួយនៅសហរដ្ឋអាមេរិក។
ប៉ុន្តែជាក់ស្តែងខ្សែប្រយុទ្ធរូបនេះ មិនបានឈរនៅចំណាត់ថ្នាក់ទី ១ ទេ ផ្ទុយទៅវិញនៅមានអាវរបស់តារាឆ្នើមមួយរូបផ្សេងទៀតដែលលក់ដាច់ជាងអាវ Pulisic ទៅទៀត។ នោះគឺ Lionel Messi ដោយអាវកីឡាករមានឈ្មោះ Messi បានឈរចំណាត់ថ្នាក់ទី ១ លក់ដាច់បំផុតក្នុងទីផ្សារសហរដ្ឋអាមេរិក។ នេះបើតាមតាមរបាយការណ៍ការលក់លើគេហទំព័រ SOCCER.com នៅចន្លោះថ្ងៃទី ១ ខែតុលា មកទល់ថ្ងៃទី ២២ វិច្ឆិកា ឆ្នាំ ២០២០។
រីឯបញ្ជីឈ្មោះ ៣ រូបឯទៀតដែលស្ថិតនៅ Top 5 មាន Cristiano Ronaldo, Kylian Mbappe និង Marcus Rashford។
ប្រភពដដែលបានបង្ហាញពីស្ថិតិនៃអ្នកគាំទ្រតាមរដ្ឋនីមួយៗនៅអាមេរិក ដោយមើលឃើញថាភាគច្រើនគឺជាអ្នកគាំទ្ររបស់ Messi និង Pulisic ហើយ Ronaldo មានតែ ៥ រដ្ឋប៉ុណ្ណោះ៕
ប្រភព៖ SOCCER.com