Valencia បានរងបរាជ័យក្រោមថ្វីជើងរបស់ក្រុមភ្ញៀវ Atletico Madrid នៅយប់ថ្ងៃសោរ៍ ក្រោមលទ្ធផល ០-១ ដែលនេះរុញឲ្យក្រុមដឹកនាំដោយលោក Diego Simeone យកបាន ៣ ពិន្ទុរំកិលឡើងលេខ ២ ស្មើពិន្ទុក្រុមលេខ ១ ក្នុងតារាង។
ក្រឡេកទៅការប្រកួត មុនអាជ្ញាកណ្ដាលផ្លុំកញ្ចែចាប់ផ្ដើម នៅក្នុងកីឡដ្ឋានទាំងមូលក៏មិនខុសពីបណ្តាប្រកួតឯទៀតនោះដែរ ពោលគឺមានកម្មវិធីខ្លី មួយនាទីដើម្បីស្មិងស្មាធិ៍ គោរពវិញ្ញាណក្ខន្ធនៃការទទួលមរណភាពរបស់លោក Diego Maradona។
ឆ្លៀតពេលនោះគេបានឃើញបុរសរួមសញ្ជាតិ គឺអ្នកចាត់ការលោក Diego Simeone ហាក់មានការរំ ជួលចិត្តជាខ្លាំង ដោយលោកបានឈរទះដៃបង្ហាញការគោរពបណ្តើរ លាយឡំនឹងទឹកភ្នែករលីងរលោងក្នុងកែវភ្នែក ដែលមើលទៅពិតជាសោក សង្រេងខ្លាំង។
ទស្សនាវីដេអូខាងក្រោម៖
Valencia recibió a Atlético de Madrid por La Liga. Las cámaras se quedan fundamentalmente con Diego Simeone, compañero en la Selección Argentina, en el homenaje a Maradona. #DiegoEterno. pic.twitter.com/VnRqCeK8v8
— Matías Sabini (@SabiniMaty) November 28, 2020
បញ្ជាក់ថា Maradona បានទទួលមានមរណភាពនៅថ្ងៃទី ២៥ វិច្ឆិកា ឆ្នាំ ២០២០ ក្នុងអាយុ ៦០ ឆ្នាំ ដោយសារជំងឺគាំងបេះដូង ក្រោយទើបចេញពីពេទ្យវះកាត់ការហូរឈាមក្នុងខួរក្បាលបានរយៈពេល ២ សប្ដាហ៍៕
ប្រភព៖ BeSoccer