Borussia Dortmund មិនអាចយកឈ្នះក្លឹប FC Koln បាននោះទេ សម្រាប់ការប្រកួតកាលពីយប់មិញ ហើយជាលទ្ធផលបានរងបរាជ័យក្នុងទឹកដីរបស់ខ្លួនឯង ក្រោមលទ្ធផល ១-២។ គ្រាប់បាល់កើតចេញពី Ellyes Skhiri របស់ក្រុមភ្ញៀវធ្វើការនាំមុខមុននៅនាទីទី ៩ ហើយបន្ថែមមួយគ្រាប់នៅនាទី ៦០ មុនតាមបានមួយសងពី Thorgan Hazard នៅរំលង ១៤ នាទីបន្ទាប់។
ប៉ុន្តែនៅកៀកបញ្ចប់តង់គឺនាទី ៩៤ Erling Haaland គេមានឱកាសស៊ុតបាល់បញ្ចូលទីយ៉ាងស្រួល ក្រោយទទួលបានការកាត់ចេញពីមិត្តរួមក្រុម Marco Reus តែ Haaland ទីទើរបែរជាមិនអាចធ្វើបានទៅវិញ។ ពេលនោះមិត្តរួមក្រុមបានបង្ហាញការសោកស្តាយជាខ្លាំង ហើយខាងក្រុមភ្ញៀវក៏សាទរខ្លាំងផងដែរ សម្រាប់ការយកបាន ៣ ពិន្ទុទាំងបុកពោះ។
ទស្សនាវីដេអូខាងក្រោម៖
បញ្ជាក់ថា Haaland គេធ្វើបានល្អខ្លាំង ចាប់តាំងពីការផ្ទេរមកចូលរួមនៅ Dortmund ដោយរដូវកាលនេះ ត្រឹម ៨ ប្រកួត គេរកបាន ១០ គ្រាប់ទៅហើយ និងកំពុងប្រដេញ Robert Lewandowski នៅតំណែង Top Scorer៕
ប្រភព៖ SportBible