• គ្រូ​ Chelsea ​៖ ​សូម​អ្នក​គាំទ្រ ​កុំ​រំពឹង​លើ​ Kepa ​ខ្លាំង​ពេក ​គេ​មិន​ទាន់​ដល់​កម្រិតCourtois ​ទេ

    លោក Maurizio Sarri ​អ្នក​ចាត់ការ​ក្រុម Chelsea ​បាន​ផ្ដាំ​ទៅ​អ្នក​គាំទ្រ​ថា​កុំ​រំពឹង​ទៅ​លើ​អ្នក​ចាំ​ទី​ថ្មី Kepa Arrizabalaga ខ្លាំង​ពេក ព្រោះ​រូបគេ​នៅ​មាន​កម្រិត ​មិន​ទាន់​អភិវឌ្ឍ​ខ្លួន​ដល់ Courtois ​ឡើយ។

    Maurizio Sarri

    Kepa Arrizabalaga

    លោក​បញ្ជាក់​ថា Kepa ​ត្រូវ​ការ​ពេល​វេលា​ទៀត ដើម្បី​ឱ្យ​រូបគេ​ឈាន​ដល់​កម្រិត​មួយ ដូច​ទៅ​នឹង Thibaut Courtois ​ដែល​ក្លឹប​លក់​ទៅ​ឱ្យ Real Madrid ​នោះ​ដែរ។ លោក Sarri ​បន្ដ​ថា​កីឡាករ​ថ្មី​របស់​ខ្លួន​រូប​នេះ​នៅ​ក្មេង​ខ្ចី ​មិន​ទាន់​មាន​បទ​ពិសោធ​ច្រើន​នៅ​ឡើយ។ ដូច្នេះ​ហើយ ​ពេល​នេះ​អ្នក​គាំទ្រ​មិន​ត្រូវ​ដាក់​សម្ពាធ ​តម្រូវ​ការ​អ្វី​ខ្លាំង​ទៅ​លើ​គេ​នោះ​ឡើយ។

    Thibaut Courtois

    ចំពោះ​ការ​ចាកចេញ​របស់ Courtois ​លោក Sarri ​បាន​បន្ថែម​ទៀត​ថា​៖ “ខ្ញុំ​ចូល​ចិត្ត Courtois ​ដែល​គាត់​ត្រង់ ​គាត់​ប្រាប់​យើង​ថា​គាត់​ចង់​ចាកចេញ គាត់​ចង់​ទៅ Madrid ។ ដូច្នេះ​ហើយ ​យើង​ក៏​បាន​បាត់​បង់​កីឡាករ​ល្អ​បំផុត​នៅ​លើ​លោក​នេះ។ ប៉ុន្តែ​យើង​ក៏​បាន​ទិញ​យក​អ្នក​ចាំ​ទី​វ័យ​ក្មេង​ល្អ​ម្នាក់​មក​វិញ ​ខ្ញុំ​សង្ឃឹម​ថា​គាត់​នឹង​ជួយ​យើង​ច្រើន ​គាត់​នឹង​អភិវឌ្ឍ​ខ្លួន​បាន​លឿន”។

    នៅ​យប់​នេះ​ដែរ ​ក្រុម Chelsea ​នឹង​ត្រូវ​តតាំង​ជាមួយ​ក្រុម Huddersfield Town សម្រាប់​ប្រកួត​បើក​រដូវ​កាល​របស់​ខ្លួន​នៅ​ក្របខណ្ឌ English Premier League ៕ប្រភព៖ DailyMail

     

     

     

    ភ្ជាប់ទំនាក់ទំនងជាមួយ CTS SPORT