ការប្រកួតនៅក្របខ័ណ្ឌ UEFA Champions League រដូវកាល ២០២០/២១ បានឆ្លងផុតមកដល់ជុំទី ៤ ហើយ ដោយឡែកក៏រកឃើញក្រុមដល់ទៅ ៦ មានកៅអីសម្រាប់វគ្គបន្ទាប់ ១៦ ក្រុមជាបណ្តើរៗ។
យ៉ាងណាមិញសម្រាប់កីឡាករអាមេរិកក៏មានចារឈ្មោះក្នុងកំណត់ត្រាដ៏ធំមួយសម្រាប់ព្រឹត្តិការណ៍ប្រចាំរដូវកាលនេះផងដែរ។ នោះគឺជារដូវកាលដែលមានកីឡាករសញ្ជាតិអាមេរិកបង្ហាញខ្លួនច្រើនបំផុតប្រចាំប្រវត្តិសាស្រ្ត UCL គឺមានដល់ទៅ ៨ រូបឯណោះ។
ដោយមានដូចជា Christian Pulisic (Chelsea), Gio Reyna (Dortmund), Weston McKennie (Juventus), Sergino Dest (Barcelona), Tyler Adams (RB Leipzig), Konrad De La Fuente (Barcelona), Ethan Horvath (Club Brugge), Chris Richards (Bayern)។
វាបានយកឈ្នះកំណត់ត្រាចាស់ ដែលកើតឡើងនៅរដូវកាល ២០០៤/០៥ ដែលមានត្រឹម ៦ រូបប៉ុណ្ណោះ៕
ប្រភព៖ BR/Football