ក្រុម Spurs ក្នុងដីខ្លួនឯងពិតជាធ្វើបានល្អមែនទែន ដោយបានយកឈ្នះលើក្រុម Ludogorets ក្នុងលទ្ធផលដល់ទៅ ៤-០ ឯណោះសម្រាប់ពានរង្វាន់ Europa League ។
ដោយសារតែក្រុម Spurs ដឹងច្បាស់ថាខ្លួនមានប្រៀបជាងក្រុមភ្ញៀវទៅហើយ ទើបលោក Jose Mourinho បានដាក់កីឡាករបម្រុងច្រើនឱ្យចូលខ្លួនបង្ហាញសមត្ថភាព។ ខ្សែប្រយុទ្ធ Carlos Vinicius រកបាន២គ្រាប់ម្នាក់ឯងនៅតង់ទី១ ក្នុងនាទី ១៦ និង៣៤។ ខណៈដែល២គ្រាប់ទៀតរបស់ក្រុម Spurs ធ្វើបានដោយ Harry Winks នាទី៦៣ និង Lucas Moura នាទី៧៣។
ទទួលបាន៣ពិន្ទុបន្ថែមទៀតសម្រាប់សប្ដាហ៍ទី៤នេះ បានធ្វើឱ្យក្រុម Spurs ឈរនៅចំណាត់ថ្នាក់លេខ២ក្នុងតារាង ដោយមាន៩ពិន្ទុ។ ប្រកួតបន្ទាប់របស់ក្រុម Spurs នឹងត្រូវប៉ះជាមួយក្រុម LASK នៅថ្ងៃទី៤ខែធ្នូខាងមុខនេះ៕ប្រភព Dailymail
