ក្រុម Liverpool បានបរាជ័យក្នុងដីខ្លួនឯង លទ្ធផល ២-០ ក្រោមថ្វីជើងក្រុម Atalanta សម្រាប់ការប្រកួតសប្ដាហ៍ទី៤ ពានរង្វាន់ UEFA Champions League ។នេះជាបរាជ័យលើកដំបូងសម្រាប់ក្រុម Liverpool ក្នុងវគ្គសន្សំពិន្ទុតាមពូលក្នុងពានរង្វាន់ UEFA Champions League ។
ខណៈដែលជើងទី១កន្លងទៅ ពួកគេបានយកឈ្នះលើក្រុម Atalanta ដល់ទៅ ៥-០ ឯណោះ។ តែបើទោះជាចាញ់សប្ដាហ៍ទី៤មែន ប៉ុន្តែជាក់ស្ដែងក្រុមហង្សក្រហមនៅបន្ដឈរកំពូលតារាងពូល D ដដែល ដោយមាន៩ពិន្ទុក្នុងដៃទៅហើយ។
ក្នុងការប្រកួតនោះដែរ លោក Klopp មើលឃើញថាកូនក្រុមហាក់ដូចជាមិនចង់លេងនោះទេ ដោយមានទម្រង់លេងមិនដូចអ្វីដែលបានរៀបចំឡើយ។ លោក បានស្រែកដាក់កីឡាករថា៖ “សូម ចាប់ផ្ដើមលេងបាល់ឡើងក្មេងប្រុសទាំងអស់គ្នា”។ ដោយឃ្លានេះ សបញ្ជាក់ថាលោកមើលឃើញសមាជិកក្រុមមិនមានសកម្មចង់លេងក្នុងការប្រកួតនេះទេ៕
ប្រភព៖ Mirror