ក្រុម Inter Milan បានបរាជ័យក្នុងដីខ្លួនឯង លទ្ធផល ២-០ សម្រាប់ការប្រកួតសប្ដាហ៍ទី៤ពានរង្វាន់ UEFA Champions League ។Eden Hazard បានបើកការនាំមុខមុនឱ្យ Real Madrid មុន ដោយបាល់ប៉េណាល់ទី មុនពេល Hakimi ធ្វើឱ្យចូលទីខ្លួនឯងមួយទៀត ធ្វើឱ្យក្រុមរបស់លោក Zidane ឈ្នះក្នុងលទ្ធផល ២-០។
បរាជ័យក្នុងដីខ្លួនឯងនេះ មិនធ្វើឱ្យលោក Conte បារម្ភអ្វីនោះទេ ព្រោះលោកដឹងច្បាស់ពីកម្រិតកីឡាកររបស់ក្រុមខ្លួន ជាមួយក្រុមអធិរាជសច្បាស់។លោក Conte បាននិយាយថា៖ “វាតែងតែពិបាកហើយក្នុងការលេងជាមួយក្រុមធំដូចជា Real Madrid ហើយវាពិតជាពិបាកក្នុងការស្វែងរកគ្រាប់បាល់ទល់ពួកគេ។
ខ្ញុំមិនបារម្ភច្រើនណាស់ចំពោះលទ្ធផលនេះ។ យើងត្រូវតែដើរទៅមុខសម្រាប់ការប្រកួតដែលនៅសល់”។ រំលឹកថា Inter Milan កំពុងស្ថិតនៅបាតតារាង ដោយមានតែ២ពិន្ទុប៉ុណ្ណោះឆ្លងកាត់ការប្រកួត៤ប្រកួតមកនេះ៕
ប្រភព៖ Goal