ក្រុមទាំង ៣២ បានបញ្ចប់ការប្រកួតនៅជុំទី ៤ វគ្គចែកពូល សម្រាប់ព្រឹត្តិការណ៍ UEFA Champions League ចប់សព្វគ្រប់ហើយកាលពីយប់មិញ ជាលទ្ធផលយើងសម្រេចរកឃើញក្រុមដល់ទៅ ៦ ដែលមានកៅអីនៅវគ្គបន្ទាប់ ១៦ ក្រុមចុងក្រោយ។
ក្នុងនោះមានដូចជា៖
- នៅពូល A ក្រុម Bayern Munich ឈ្នះ ៤ ប្រកួតមាន ១២ ពិន្ទុ
- នៅពូល C ក្រុម Manchester City ឈ្នះ ៤ ប្រកួត មាន ១២ ពិន្ទុ
- នៅពូល E ក្រុម Chelsea និង Sevilla ឈ្នះ ៣ ស្មើ ១ មាន ១០ ពិន្ទុ
- នៅពូល G ក្រុម Barcelona ឈ្នះ ៤ ប្រកួតមាន ១២ ពិន្ទុ និង Juventus ឈ្នះ ៣ ចាញ់ ១ មាន ៩ ពិន្ទុ
ការប្រកួតនៅវគ្គសន្សំពិន្ទុក្នុងពូល សេសសល់ចំនួន ២ ជុំទៀត ដោយជុំទី ៥ ធ្វើឡើងនៅថ្ងៃទី ២&៣ ធ្នូ ខណៈជុំទី ៦ ធ្វើឡើងនៅថ្ងៃទី ៩&១០ ធ្នូ ឆ្នាំ ២០២០។ អ្វីដែលពិសេសនៅជុំចុងក្រោយនោះគឺជាការប៉ះគ្នារវាងក្លឹប Barcelona និង Juventus នាថ្ងៃទី ៩ ធ្នូ មានផ្សាយផ្ទាល់លើទំព័រ CTS Sports ដែលជាជួបគ្នារវាងតារាឆ្នើម Lionel Messi និង Cristiano Ronaldo ក្រោយខកខានប៉ះគ្នាលើទីលានជាង ២ ឆ្នាំមកហើយ។
បញ្ជាក់ថា ក្រោយរកឃើញឈ្មោះក្រុមទាំង ១៦ សមាគមបាល់ទាត់អឺរ៉ុប UEFA ក៏នឹងធ្វើការចាប់ឆ្នោតក្រុមដែលត្រូវប៉ះគ្នានៅថ្ងៃទី ១៤ ធ្នូ ឆ្នាំ ២០២០ ហើយការប្រកួតជើងទី ១ ធ្វើឡើងនៅកំឡុងខែកុម្ភៈ និងជើងទី ២ នៅខែមិនា៕