ក្លឹបតោខៀវ Chelsea នឹងត្រូវបើកកីឡដ្ឋាន Stamford Bridge ស្វាគមន៍ក្លឹប Tottenham នៅវេលាម៉ោង ១១:៣០ នាទីរំលងអាធ្រាត្រ ដែលមានផ្សាយផ្ទាល់លើទំព័រ CTS Sports។
មុនឈានដល់ការប្រកួតសមាសភាពនៃក្រុមទាំងពីរបានខិតខំហ្វឹកហាត់ និងរៀបចំខ្លួនយ៉ាងយកចិត្តទុកដាក់បំផុត ជាពិសេសគឺ Chelsea ព្រោះ Spurs រដូវកាលនេះមិនមែនជាក្រុមដូចរដូវកាលមុននោះទេ ហើយពួកគេកំពុងឈរលេខ ១ នៅតារាង PL ទៀតផង។
បង្វែរទៅ Mason Mount បានប្រាប់ Chelsea TV ថា៖ “ពិតណាស់គ្រប់គ្នាដឹង [ការប្រកួតនោះជាប្រកួតធំ] ដោយកីឡាករបានដឹងច្បាស់ថាវាជាប្រកួតសំខាន់ប៉ុណ្ណា ហើយសមាជិករបស់យើងទាំងអស់នឹងទៅចូលរួមការប្រកួតនោះដោយទំនុកចិត្ត ដើម្បីចង់ទទួលបានជ័យជម្នះ”។
យុវជនលេងនៅតំណែងបម្រើប្រយុទ្ធបន្ថែម៖ “យើងនឹងបន្តលេងឲ្យបានល្អដូចរយៈពេលចុងក្រោយ ដោយគ្មានការផ្លាស់ប្តូរនោះទេ ហើយយើងត្រៀមខ្លួនរួចរាល់ហើយ ពោរពេញដោយទំនុកចិត្តក្នុងការតតាំងពួកគេ”៕
ប្រភព៖ Metro