ខ្សែប្រយុទ្ធ Neymar រកបាន១គ្រាប់ដោយបាល់ប៉េណាល់ទី ជួយក្រុម PSG យកឈ្នះលើក្រុមLeipzig ក្នុងលទ្ធផល ១-០ សម្រាប់ការប្រកួតពានរង្វាន់ UEFA Champions League ។
សម្រាប់ការប្រកួតនេះដែរ ក្រុម PSG ត្រូវការឈ្នះជាចាំបាច់ទើបពួកគេមានឱកាសអាចប្រជែងទៅវគ្គបន្តបាន។ ដោយឡែកលទ្ធផលពិតជាដូចការរំពឹងទុកមែន ពោលគឺក្រុមខ្លាំងបារាំងមួយនេះ អាចយក៣ពិន្ទុបាន ដែលជាបាល់ប៉េណាល់ទីរបស់ Neymar ធ្វើបាននៅនាទី១១ដើមតង់ទី១។
ទទួលបាន៣ពិន្ទុបន្ថែមនេះ បានធ្វើឱ្យក្រុម PSG ឡើងមកលេខ២ក្នុងពូល H វិញហើយ ដោយមាន៦ពិន្ទុស្មើជាមួយ Leipzig ដែរ តែមានគ្រាប់បាល់ចំណេញច្រើនជាង។ ក្រុមលេខ១ក្នុងពូលនេះ គឺ Manchester United មាន៩ពិន្ទុ៕ប្រភព Dailymail
.
