ការប្រកួតនៅក្របខ័ណ្ឌ UEFA Champions League ជុំទី ៤ បានប្រព្រឹត្តិទៅចំនួន ៨ គូកាលពីយប់មិញ ហើយក៏សម្រេចរកបានក្រុមខ្លះអាចឆ្មក់យកកៅអីវគ្គ ១៦ ក្រុមបណ្តើរៗ។
ក្នុងនោះយើងសូមនិយាយពីរក្រុមនៅអង់គ្លេស ២ មាន Chelsea និង Man Utd ខណៈ Liverpool និង Man City ត្រូវលេងរាត្រីនេះមានផ្សាយផ្ទាល់លើទំព័រ CTS Sporst។
Man Utd បានយកឈ្នះ ៤-១ ទៅលើ Istanbul Basaksehir ដែលជារកគ្រាប់បាល់ដោយកីឡាករ Bruno Fernandes ពីរគ្រាប់ម្នាក់ឯង Daniel James និង Marcus Rashford មួយគ្រាប់ៗ។ ៣ ពិន្ទុនោះបានរុញឲ្យ United ឡើងឈរកំពូលតារាងនៅពូល H បណ្តោះអាសន្ន តែមិនទាន់ធានាកៅអី ១០០ ភាគរយនៅឡើយ។
ទស្សនាវីដេអូ Highlight ខាងក្រោម៖
ក្រឡេកទៅមើល Chelsea ឯណោះវិញ បានយកឈ្នះក្រៅដី ១-២ ទៅលើក្លឹប Rennes របស់បារាំង ដែលជាការរកគ្រាប់បាល់ ពីសំណាក់កីឡាករ Callum Hudson-Odoi និងបាល់ចុងម៉ោងនាទី ៩០+១ របស់ Olivier Giroud។ តោខៀវយកបាន ៣ ពិន្ទុនៅជុំនេះ អាចធានាបានហើយថាពួកគេនិងក្រុម Sevilla អាចឡើងទៅវគ្គបន្ទាប់ ក្រោយមាន ១០ ពិន្ទុស្មើ នាំមុខដាច់ក្រុមលេខ ៣&៤ មានត្រឹម ១ ពិន្ទុ៕
ទស្សនាវីដេអូ Highlight ខាងក្រោម៖