ក្រុម PSG នឹងត្រូវប្រកួតជាមួយក្រុម RB Leipzig នៅរាត្រីនេះហើយ សម្រាប់ការប្រកួតទី៤នៃវគ្គសន្សំពិន្ទុតាមពូលពានរង្វាន់ UEFA Champions League ។
ប្រកួតមួយនេះពិតជាសំខាន់ខ្លាំងមែនទែនសម្រាប់ក្រុម PSG ដោយត្រូវយកឈ្នះជាចាំបាច់ទើបមានសង្ឃឹមឡើងទៅវគ្គបន្ទាប់ទៀតបាន។ ខណៈដែលប៉ះក្រុម RB Leipzig នេះ គឺក្រុម PSG ទំនងជាត្រូវប្រើប្រាស់កីឡាករជម្រើសល្អបំផុតរបស់ខ្លួនហើយ ព្រោះកាលពីជើងទី១កន្លងទៅ ពួកគេបានចាញ់ក្នុងលទ្ធផល ២-១ រួចទៅហើយ។
លោក Thomas Tuchel អ្នកចាត់ការក្រុម PSG បានអះអាងថា៖ “នេះជាប្រកួតសំខាន់ យើងត្រូវការកីឡាកររបស់យើងទាំងអស់គ្នា។ (Neymar) គាត់ហាក់ដូចជាមិនទាន់ជា១០០%ទេ ប៉ុន្តែយើងត្រូវការគាត់នៅលើទីលាន។ គាត់នឹងលេងនៅប្រកួតនេះ ដើម្បីជួយក្រុមយើងជាមួយ Mbappe ”៕
ប្រភព៖ EN