ខ្សែការពារ Lenglet នៅតែជឿជាក់ថាក្រុម FC Barcelona នឹងអាចឈ្នះពានរង្វាន់ La Liga បានដដែល សម្រាប់រដូវកាលនេះ បើទោះជាដើមរដូវកាលនេះលេងមិនល្អក៏ដោយ។
ក្រុមអ្នកមានបុណ្យកំពុងឈរនៅចំណាត់ថ្នាក់លេខ១២ឯណោះក្នុងក្របខណ្ឌ La Liga ក្រោយពីធ្វើមិនបានល្អប៉ុន្មានប្រកួតមកនេះ។ តែទោះជាយ៉ាងនេះក្ដី សម្រាប់ខ្សែការពារ Lenglet វិញ មើលឃើញថាក្រុមរបស់ខ្លួននៅតែមានឱកាសដដែលសម្រាប់ការប្រជែងពាន ព្រោះលទ្ធផលដើមរដូវកាល មិនអាចសម្រេចលទ្ធផលពេញមួយរដូវកាលតែម្ដងនោះទេ។
ខ្សែការពារសញ្ជាតិបារាំង បានបញ្ជាក់បែបនេះថា៖ “យើងនៅមានឱកាសយកពាន La Liga បាន។ យើងមិនអាចចុះចាញ់នៅត្រឹមដើមរដូវកាលបាននោះទេ។ នៅសល់ប្រកួតច្រើនទៀត យើងមិនអាចបោះបង់បានឡើយ បើយើងបោះបង់នោះមិនមែនជាកីឡាករអាជីពទេ។ យើងត្រូវតែផ្លាស់ប្ដូរវាឡើងវិញដើម្បីទទួលបានលទ្ធផលល្អ”៕
ប្រភព៖ Marca