របួស​ច្រើន ​តែ Liverpool ​នៅ​ធ្វើ​បាន​ល្អ ​ឈ្នះ Leicester ​៣-០

​ក្រុម​ហង្ស​ក្រហម Liverpool ​នៅ​តែ​ធ្វើ​បាន​ល្អ​ដដែល ​ដោយ​យក​ឈ្នះ​លើ​ក្រុម Leicester City ​បាន​ក្នុង​លទ្ធផល ​៣-០ ​សម្រាប់​ការ​ប្រកួត​ពាន​រង្វាន់ English Premier League ​។ក្រុម​ការពារ​តំណែង​ជើង​ឯក Liverpool ​នៅ​តែ​រក្សា​ភាព​ខ្លាំង​របស់​ខ្លួន​ដដែល បើ​ទោះ​ជា​កីឡាករ​ជា​ច្រើន​បាន​រង​របួស​ក៏​ដោយ។

​ជាក់​ស្ដែង ប៉ះ​ក្រុម Leicester City ​នៅ​យប់មិញ​នេះ ពួកគេ​យក​ឈ្នះ​បាន​៣​គ្រាប់ ​កើត​ចេញ​ពី​ការ​ចូល​ទី​ខ្លួន​ឯង​របស់ Evans ​១​គ្រាប់ Jota ​១​គ្រាប់ ​និង Firmino ​១​គ្រាប់​ផង​ដែរ។ ​លទ្ធផល​នេះ បាន​ធ្វើ​ឱ្យ​ក្រុម Liverpool ​ហក់​ឡើង​ទៅ​លេខ​២​ក្នុង​តារាង Premier League ​ហើយ។

​តែ​យ៉ាងណា​មិញ ​ក្រុ​មរបស់​លោក Klopp ក៏​បាន​បាត់​បង់​សមាជិក​ម្នាក់​វិញ​ផង​ដែរ។ Keita ​បាន​រង​របួស​សរសៃ​ពួរ ​ធ្វើ​ឱ្យ​រូបគេ​នឹង​អវត្តមាន​សម្រាប់​ប្រកួត​បន្ទាប់​មិន​ខាន៕

ប្រភព៖ DailyMail

ភ្ជាប់ទំនាក់ទំនងជាមួយ CTS SPORT